Kwingxoxo-mpikiswano ebebinjwe kutshanje, umbutho omele ukuqinisekisa ukuba amalungelo wabantu akumgaqo-siseko ayafezekiswa, iNdifuna Ukuwazi ithi kufuneka u rhulumente ajonge into yokwakha indawo zokurenta kwaye angenelele kwinto yamaxabiso anyuka rhoqo ngonyaka wendawo zokurenta.
Umbutho wabasebenzi bentsimbi iNational Union of Metal Workers Unions, iNUMSA isiqhwabele izandla isigqibo sombutho wabo basebenza ngokutya iFood and Allied Workers Union, iFAWU.
iFAWU ibisandula ukubamba ingqungquthela yelixa lamashumi asixhenxe anesihlanu e Bela-Bela eLimpopo, apho ithathe isigqibo sokuphuma ku COSATU ( Congress of South African Trade Unions). iFAWU ithi imibono yayo ayisafani ne ka COSATU kwaye yilonto ebangela ukuba iqhawule umtshato. iFAWU ibiyenye yemibutho yabasebenzi engazange ixole emva kokugxothwa kuka NUMSA kwi COSATU.
Ngexesha lwentetho yakutshanje, uLizette Lancaster osuka kwi Institute for Security Studies uye waxelela abo bebedibene eSpin Street, ukuba owona nobangela wobundlobongela xa kukho uqhanqalazo kukungalingani nobuhlwempu.
“Sifuna indaba ezimnandi kuphela,” eso sisanxwe ebesivakala kowaziwa nozibiza ngetshantliziyo lamalungelo oluntu nokwayinkokheli yombutho wokuhlala loluntu iSeskhona People’s Movement, uAndile Lili, kodwa ngalemini ebetshofula ikhasi elithi (Hands off Hlaudi).
Ukungabikho kwemingxunya nemibhobho yogutyulo kwindawo zogobityholo ngomnye wonobangela bezantyantyala zezikhukula zemvula kwingingqi zogobityholo kweli leKapa.
Oku kudizwe nguCeba wakwa ward 89 umnumzana uMonde Nqulwana emva kwemvula ekhokelele ekubeni amakhulu abahlali alale kwiholo loluntu kwingingqi yoogobityholo oo BM eSite B. Oka Nqulwana uthi indawo ekulahlwa kuzo inkukuma phakathi kwezindlu zikwanegalelo ekudameni kwamanzi kuba le nkukuma ayithuthwa ngexesha.
Ngomhla wolonyulo, iElitsha ithe yandwendwela izitishi zolonyulo ibuza abo sebevotile ukuba zintoni na abenethemba lokuba zizakutshintsha endaweni abahlala kuzo emveni kokuba bevotile.
Uninzi lwabo ingabantu abangomama kwaye behlala kwindawo zembacu, baxelele iElitsha ukuba bafuna ukuba bakhwelwe izindlu, babenezindlu zangasese ezigungxulwayo eziphakathi endlwini kwaye namathuba emisebenzi azakwanda. Eliphephandaba liqale e ward 95 equka Inkanini, Kuyasa, Monwabisi kunye noMrhabulo Triangle, liye landwendwela isitishi solonyulo esise Khulangolwazi Educare Centre nase The Ark Educare centre.
KwiMbizo ebeququzelelwe yi Institute for Justice and Reconciliation (IJR) abahlali base Khayelitsha ingakumbi ulutsha luye lwahlomla ngeKomishoni Yenyani noXolelwaniso eyayibanjwe ngonyaka ka 1996.
Ulutsha lwaseKhayelitsha ebeluzimase intlanganiso yolutsha ebibizwe lisebe lezoLuleko nobu Lungiswa ebise Mey Way Hall kutshanje luye lwahlohla imibuzo ebukhali ngezizathu yentlanganiso. Abanye bephakamisa into yokungafumani imisebenzi ngenxa yokuba benengxelo yolwaphulo-mthetho.
Imibutho emele uluntu yase Khayelitsha efana ne Town-Two Rock Galz ne Social Justice Coalition ithi bayakwamkela ukwalelwa ngebheyile kwabo batyholwa ngoludlwengula nokubulala intombazana yase Khayelitsha u Sinoxolo Mafevuka.
Ixesha lolwaluko alifikanga ligalelekile kwaye urhulumente wase Mpuma Koloni umemelela lonke uluntu ukuba luthabathe uxanduva ngelithuba lolwaluko lwasebusika.
“Umntwana wakho ngumntwana wam, kwaye kuthatha uluntu lonke ukukhululisa umntwana,” lo ngumyalezo ovela kwisebe Cooperative Governance and Traditional Affairs (Cogta) kwiphondo lase Mpuma Koloni. Esi sindululo sijoliswe kuluntu lonke ekuhlaleni ukuba kubanjiswane ukuze elixesha lobusika libe lelikhuselekileyo.
Ulwaluko lithuba apho amakhwenkwe athi aluke ukuze agqithele kwizinga lobudoda nelithe labasematheni kweli loMzantsi Afrika jikelele ngenxa yokwenyuka kwamanani okusweleka nokungxwelerheka kwabakhwetha.
Kumnyhadala obucacile ukuba unento yokwenza nezepolitiko kuba bezikho zonke iinkokeli zikazwelonke zasesipoliseni kunye nabaphathiswa, umphathiswa wamapolisa uNathi Nhleko uye wanikezela ngesikhululo esinamavili samapolisa eSite C, eKhayelitsha.
Bekukho usekela-mphathiswa wamapolisa uMaggie Sotyu, olibambela khomishinali wamapolisa kuzwelonke uKhomotso Phahlane, ophethe ibutho leHawks uMthandazo Ntlemeza, u Israel Kgamanyane olibambela kwibutho eliphanda amapolisa i(IPID), ikhomishinali yephondo, uKhombinkosi Jula nabanye abaphezulu emapoliseni kuquka namalungu epalamente.
Amachule okuthetha adla ngokuthi ukuba ufunukufihla nantoni na kwisizwe simnyama, yifihle ncwadini. “Hayi ngalo mzuzu”, litsho iqembu lokuhlala laseKhayelitsha Inkululeko In Mind. Eli qela liququzelele ngempumelelo iqonga lokwabelana nokuchubelana ngenkcubeko nokubaluleka kwencwadi ngaphezulu kwento yonke ukushiya umzila kwisizwe esibonwa ngenxa yengcinezelo lubonakala ngathi hlobani noncwadi.
en
xh
en
xh
Site by Babak Fakhamzadeh